عيون الجواء بالليل

السلام عليكم ورحمه الله
موضوع قديم وحبيت يكون بمدونتي 
لان حذفته من المنتدى بعد ما تشوه منتدى القصيم بمواضيع تخلي الواحد يهج ولا ياسف 
 
قبل كم يوم جت بروسنا فكره تحشيشيه ... اننا نقوم برحله الى مكان غريب شوي علينا

شفناه بالقسم هذا ... لكن مصور بالنهار وحنا رحنا له بالليل krrr^

خططنا لها بوقت قصير وهو وقت اعداد القهوة والشاي

فا ضبطنا اغراضنا للرحله على عجل واخذنا معنا عبوات ماء لزوم الرحله بالحر وهكذا بدانا

طلعنا من بيتنا بعد صلاة المغرب مباشره الشارع زحمه مره وهجه عن مرت اخوي وبزارينها

كنا 3 نفر كبير بالغ عاقل راشد > الثنتين الاخيرات كثروا منها
واحد جذعون وجذعتان << والله وهبلنا بهم علشان يطلعون رجالون يعتد بهم لوح^^وو^شو


مجموعنا 14

هههههههههه ماتعرفون تعدون هع هع يعني خمسه



مشينا مع طريق المدينه (الملك عبد العزيز حاليا) وبدات الشمس ب بسط اشعتها على ارجاء الارض
وسهول وجبال تورنتو بكندا

وبداء لباس الليل عندنا بختفاء الاشعه ورحيللها ايذان ببداء ليل والقمر بوسط سماءه <ازين هذي خاطره ياليل ما اطولك الناس جاها النوم وانت ما بديتي


نرجع للطريق
قبل ما يجي كبري حايل طالعنا امامنا وش نشوف وو^شو وو^شو وو^شو

عرس قدامنا يمشي على اربع يا خراشي يا نقراشي او^بس ايش جاب قصر الافراح بالشارع
شكلهم مسوين ديسكو متحرك

ولع اخوي النور العالي واتضحت الرؤيا واثر شوفنا شجر %حزين


طلع راعي عربجيه باكستاني مزين سيارته < يا حبهم للخربطه والتعليقات بسياراتهم تقل دفتر بنت بخامس ابتدائي من اللصقات والستيكرات < هن نفسهن بس بكثر الكلمات %نيهاااها&



احترت بكلام كاتبه هو على سيارته يمكن مو واضح معكم بالصوره
كاتب كات كلام > يعني لا تحتسي بي من زيني او يعجز الكلام او اسكتك المهم اللي يعرف الترجمه لا يبخل علينا فيها


طبعا تتسائلون وين بنروح

رحنا لديره روميو وجولييت لوح^^


رحنا نزور البلده القديمه لعيون الجواء <محششين احد يروح لها بالليل هع هع


طبعا ثلاثه نفر كبير خطط يهبل في ثلاثه نفر صغير
اول ما دخلنا لها قابلتنا ساحه طويله عريضه والاختفت ملامح الحضاره الحديثه منها و ودعنا الكهرباء الا من نور السياره


شوفوا العلامه العامود اللي بوسط الصوره اول ما شافها ولد خالي الصغير قال قبر قبر قلت له انثبر وش قبره داخل مقبره الموطا بالفاتيكان انت و وجهك بس تصدقون مادري وشي او^بس للحين


جزء من الساحه وهنا قلت للمبزره اللي وراء شفتوا ابو طخ طيخ راح من هنا من عند اللفه

krrr^
باللحظه هذي قالوا مطولين هنا <شكلهم تحسفوا على عمرهم

مشينا وقابلتنا هاللوحه > النخيل بلازا زمان عندهم


زياده بالرعب دخلنا مع شوارع صغار مره يعني ماتقدر ترجع بسيارتك وتهون
لكن قلوبنا حديد %نيهاااها& كملنا المسيره
و وقفنا عند البيوت ابوابها مفتحه ومتكسره وكل واحد من اللي بالسياره يتخيل افلام الرعب اللي شافها بحياته تسكنها وو^شو واللي يقول خلونا نرجع واللي يقول ولعوا النور واللي يقول من اللي يلمسن ومن قبصن




بعد شجاعه وقوه اعصاب تعرفوا لما تطلعوا من لعبه قطار الموت او الدوار السريع زيها نفس الشعور بالضبط او^بس

صورتها صور لكن قوه الاعصاب ومسك الجوال بحترافيه طلعت كل الصور مهتزه ومو واضحه

غادرنا المدينه القديمه وقلنا مره بالنهار نروح نزورها
واول ما طلعنا منها قابلتنا الحاره هذي


بصراحه مدينه حلوه وصغيره هاااااااااااااااااديه مره ولا فيها ازعاج او كثافه سكانيه

بعض اللقطات من شوارعها وتبين نظافتها وترتيبها والهدوء اللي نفتقده حتى بشوارعنا الداخليه




بالحظه هذي واحنا نتمشى شفنا القمر ماشاء الله بدر كبير مره فا قررت اصوره

وصورته كم صوره دقتها ما شاء الله فائقه بس لا تظربونها عين ويخسف القمر من زينها krrr^






نزلنا من السياره وفلينا البساط وجبنا القهوه والشاي هع هع هع حطوا موسيقه تكسير او تفحيط


طلعنا ناسين الفناجين والبيالات هع هع

قال اخوي مابها قعود بعد العود
امشوا يالله &^%$#)*&^%$ كلام مشفر فيه بزران عندي او^بس

ركبنا السياره وطالعنا الجمال وقررنا نروح له بعد ترجي وكلام يقوطر عسل


اجمل ما فيها الجامع ماشاء الله كبير مره وكانه ماشاء الله تبارك الله جوهره













بصراحه جامع يحق لكل قصيمي يفخر فيه قمه بالجمال والروعه
مع ان مناره وحده كانت انوارها شغاله باليوم اللي رحنا له الا ان له جمال غير طبيعي
الله يكثر منها يارب في كل بقعه من العالم ويذكر فيها اسمه

ورجعنا لبيتنا والحمد لله على سلامتنا ومن معنا والله يسلمكم
على فكره
ترا احنا 6
بس طلعت ما اعرف احسب ونسيت اعد روحي معهم هع هع